सुरु भयो प्रतिनिधि सभा बैठक, विपक्षीको अवरोध कायमै

काठमाडौँ । प्रतिनिधि सभा बैठक सुरु भएको छ । आइतबार राति १५ मिनेटका लागि स्थगित भएको प्रतिनिधि सभा बैठक फेरि सुरु भएको हो ।

प्रतिनिधि सभा नियमावलीको मस्यौदामा परेका संशोधनमाथि छलफल गर्न संसदीय समितिमा पठाइनुपर्ने माग विपक्षीले राखेका थिए।नेपाली कांग्रेसकी प्रमुख सचेतक बासना थापाले ‘संशोधनहरूलाई विषयगत समितिमा पठाइयोस्’ भनेकी थिइन् ।

तर, सभामुख डोलप्रसाद अर्यालले नमानेर  ‘निर्णयार्थ पेस गर्छु’ भनेर संशोधन प्रस्तावहरूमाथि हुन्छ र हुन्न भन्न लगाएर अगाडि बढेपछि विपक्षी दलका सांसदहरूले बेल घेराउ गरेका थिए।

त्यसपछि सभामुख अर्यालले बैठक स्थगित गरेका थिए ।