Logo

समाचार

टिचिङ अस्पताललाई उदाहरणीय बनाउँछु : निर्देशक खड्गा



टिचिङ अस्पताल महाराजगञ्जका कार्यकारी निर्देशक प्रा. डा. प्रेमकृष्ण खड्गाले अस्पताललाई उदाहरणीय बनाउने बताएका छन् ।केही समय अघि नियुक्त भएका उनले अस्पतालमा चुनौती सँगै अवसर पनि भएको स्पष्ट पारेका छन् ।

‘ठूलो संस्था हो तत्कालै केहीगर्न नसकिएला तर पनि मेरो कार्यकालमा उदाहरणीय बनाउने छु’ निर्देशक खड्गाले भने ‘ बिरामीको चाप बढेको छ, यसलाई सही उपचार दिएर सन्तुष्ट पार्न सकियो भने पनि एउटा लक्ष्य पूरा हुन्छ ।’उपचार सहज र गुणस्तरीय भएकाले बिरामीको चाप बढनु स्वभाविक भएको उनको भनाई छ । एकै ठाउँबाट धेरै प्रकारका बिरामको उपचार गर्नुपर्दा पनि समस्या भएको भन्दै उनले भइरहेको साधनस्रोतबाट सम्भवभएसम्म व्यवस्थित गर्ने बताए ।

अस्पतालको तथ्यांक अनुसार दैनिक झण्डै २५ सयको हाराहारीमा उपचार हुने गरेको छ । सबै प्रकारका रोगको उपचार गर्दा पनि सतर्कता अपनाइएको अस्पतालको भनाई छ ।२०७४-७५ मा एमरजेन्सीमा ५० हजार ३ सय ३८ जनाको उपचार भएको छ । त्यस्तै १० हजार २७ जनाको मेजर अपरेशन र ७ लाख २५ हजार ३ सय ३४ इमरजेन्सी ल्यावमा उपचार भएको छ ।

निर्देशकले आइसियु कक्षपनि कम खर्चिलो भएको बताए । आइसियु र सिसियु खालि नहुने भएकाले नपाएको गुनासो आउने गरेको निर्देशकको भनाई छ । पहिले बालबालिकाको लागि छुट्टै उपचारको व्यवस्था थिएन तर अहिले भने व्यवस्थित ढंगले सुरु गरिएको छ ।

अस्पतालले बर्थिङ सेन्टर सञ्चालन गरेको छ । ‘हामी बिरामीलाई थोरै शुल्कमा राम्रो सेवा दिएका छौ त्यसैले पनि कक्षपाउन गाह्रो छ’ निर्देशकले भन्नुभयो ‘वातावरण स्वच्छ बनाउन र बिरामीलाई प्रकृतिसँग रमाउनका लागि उद्यान बनाइएको छ ।’

प्रकाशित मिति : फाल्गुन ३, २०७५ शुक्रबार  १० : ५७ बजे

0
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई [email protected] मा लेखी पठाउनुहोला ।