कञ्चनपुरमा रहेको महाकाली चिनी मिलले उखुको मूल्य निर्धारण गरेको छ ।
चिनी मिल सञ्चालक र ऊखु उत्पादक किसान हक, हित संरक्षण समितिबीच ऊखुको मूल्य निर्धारण गरिएको हो ।
सहमतिअनुसार अर्लि जातको उखुको मूल्यप्रति क्वीन्टल रु ४४०, सामान्य ऊखुको मूल्यप्रति क्वीन्टल रू ४१६ र कमसल खालको उखुको मूल्यप्रति क्वीन्टल चार सय रुपैयाँ तोक्ने सहमति भएको चिनी मिलका अध्यक्ष राजेश्वर शाहले बताए ।
चिनी मिलले मंगलबारदेखि उखु संकलनसँगै कोडका आधारमा तौल गर्ने कार्य समेत शुरु गरेको छ । ऊखु किसानले अनुदानको पूरै रकम भने पाउन सकेका छैनन् । उखु किसानसँग गरेको सहमति अनुसार रु ६५ प्रति क्वीन्टल दिने भनिए पनि किसानले मूल्यको ३० प्रतिशत मूल्य अझै पाएका छैनन् ।
किसानसँग गरेको सहमतिको रु २३ करोडको मूल्यमा हालसम्म सरकारले १६ करोड रुपैयाँ उपलब्ध गराए पनि अझै सात करोड तीन लाख दिन बाँकी रहेको संयोजक विष्टले बताए ।
प्रतिक्रिया