Logo

प्रमुख समाचार

रवि लामिछानेको पक्राउ सही छ : चित्रबहादुर केसी



काठमाडौँ । राष्ट्रिय जनमोर्चाले रास्वपाका सभापति रवि लामिछानेको पक्राउबारे समर्थन गरेको छ । आइतबार अध्यक्ष चित्रबहादुर केसीले एक विज्ञप्ति जारी गर्दै लामिछानेको गिरफ्तारी सही भएको बताउँदै यस प्रकरणमा संलग्न अन्यमाथि पनि सत्यतथ्य छानबिन गर्न माग गरेका हुन् ।

विज्ञप्तिमा भनिएको छ, ‘रवि लामिछानेमाथि अनुसन्धान गर्न गरिएको गिरफ्तारी सामान्यतया सही नै छ । रविमाथि कुनै राजनीतिक पूर्वाग्रहका आधारमा नभएर सत्य र तथ्यको आधारमा निष्पक्ष छानबिन गरेर कारबाही गरिनु पर्दछ ।’

पोखराको सूर्यदर्शन सहकारीको रकम अपचलनमा संलग्न भएको आरोपमा सभापति लामिछानेलाई काठमाडौँबाट पक्राउ गरी पोखरा पुर्याइ अनुसन्धान प्रक्रिया अगाडि बढेको छ ।

आइतबार कास्की जिल्ला अदालतले उनीमाथि थप अनुसन्धान गर्न छ दिनको समय दिएको छ । उनलाई प्रहरीले ६ दिन हिरासतमा राखेर सहकारी ठगी र संगठित अपराधमा अनुसन्धान गर्नेछ ।

प्रकाशित मिति : ४ कार्तिक २०८१, आईतवार १८:३५   :  बजे

111
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।