काठमाडौं । भ्रमणूर्ण सूचना फैलाएको भन्दै फ्लाई दुबैका नेपाल प्रमुख र स्टेशन म्यानेजरको पास रोक्का गरिएको छ । विनाप्रमाण सोमबार काठमाडौंबाट दुबै उडेको जहाजमा चरा ठोकिएको सूचना फैलाएको भन्दै नेपाल उड्डयन प्राधिकरणले तत्कालनका लागि उनीहरुको पास रोक्का गरेको हो ।
सोमबार राति फ्लाई दुबईको जहाजको इन्जिनमा आएको समस्याबारे चरा ठोक्किएको भनेर लगत सूचना फैलाएकाले दुवै जनाको पास रोक्का गरेको प्राधिकरणका महानिर्देशक प्रदीप अधिकारी बताए । नयाँ निर्णय नभएसम्मका लागि उनीहरूलाई विमानस्थल प्रवेशमा रोक लगाइएको छ ।
त्रिभुवन अन्तर्राष्ट्रिय विमानस्थलको धावनमार्गबाट १ सय ६८ यात्रु बोकेर सोमबार राति फ्लाई दुबईको जहाज कोटेश्वरतर्फबाट उड्दै गर्दा कोटेश्वरको आकाशमा विस्फोटको आवाजसँगै इन्जिनमा आगोको लप्का देखिएको थियो । त्यसपछि पाइलटले काठमाडौं विमानस्थलको टावरलाई ‘आफ्नो जहाजको बायाँ इन्जिनमा आगलागी भएको’ जानकारी दिँदै आकस्मिक अवतरण गर्न काठमाडौंमै फर्किने बताए पनि पछि उक्त जहाज दुबई नै गएको थियो । नेपाली समय अनुसार राति दुई बजे (स्थानीय समय अनुसार १२ बजेर ११ मिनेटमा) उक्त जहाजले दुबईमा सफल अवतरण गरेको थियो ।
A flydubai spokesperson: flydubai flight FZ 576 from Kathmandu Airport (KTM) to Dubai International (DXB) experienced a bird strike during takeoff from Kathmandu.
— Dubai Media Office (@DXBMediaOffice) April 24, 2023
After following standard procedure the flight will continue as normal to Dubai and is scheduled to land in DXB at…
सोमबार राति नै फ्लाई दुबईले दुबईबाट ‘चरासँग जहाज ठोकिएको’ जनाएको थियो । दुबई सरकारको मिडिया कार्यालयले जहाजले त्रिभुवन अन्तर्राष्ट्रिय विमानस्थलको धावनमार्ग छाड्नेबित्तिकै चरा ठोक्किएको दाबी गरेको छ ।
प्रतिक्रिया