एजेन्सी । विगत पाँच दिनदेखि भइरहेकाे इजरायल प्यालेस्टाइनकाे युद्वमा हजाराैं मान्छेहरुले ज्यान गुमाइसकेका छन् भने हजाराैं घाइते तथा अपाङ्ग भएका छन् ।
इजरायलले पछिल्लाे समय प्यालेस्टाइनकाे गाजा क्षेत्रमा बिजुली पानी पेष्ट्राेललगायत सबै उर्जामा स्राेतहरुकाे आपूर्ति गाजा क्षेत्रमा हुन नदिएपछि गाजा क्षेत्रकाे अवस्था झन भयावह भएकाे छ । इन्धनकाे भरमा बिजुली निकालेर अस्पतालहरु सञ्चालन भइरहेकाेमा इन्धन नै सकिने भएपछि झनै हाहाकार भएकाे अन्तर्राष्ट्रिय सञ्चारमाध्यमहरुले जनाएका छन् । इजरायलले निरन्तर रुपमा गाजामा बम हमला गरिरहेकाे छ । इजरायलले निरन्तर प्रहार गरेकाे बमबारुदबाट गाजामा भएका विश्वविद्यालय सञ्चारका टावरहरुऽ भवनहरु सडकमा समेत पूर्ण क्षति पुर्याएकाे जनाइएकाे छ ।
मस्जिदहरु पनि बमले ध्वस्त भएका छन् । गाजा क्षेत्रमा मानिसहरु बिजुली पानी र खानाकाे अभावमा मर्ने अवस्थामा पुगेकाे जनाइएकाे छ । गाजा क्षेत्रकाे साैन्दर्यता बम बारुदकाे गन्धमा बदलिएकाे जनाइएकाे छ ।
यसैबीच इजरायललाई अमेरिका तथा यूराेपियन युनियनहरुले सैन्य सहयाेग गरिरहेका छन् । विश्व स्वास्थ्य संगठनले गाजा क्षेत्रमा मानविय सहयाेग लैजान दिन इजरायलसँग अपील गरेकाे छ । इजरायलले भने उक्त क्षेत्रमा मानवीय सहयाेग लैजान दिएकाे छैन् । उसले बिजुली र पानीकाे सुविधा पनि टुटाइदिएकाे छ ।
गाजा क्षेत्रमा ९०० जना नागरिककाे मृत्यु भइसकेकाे र पाँच हजारभन्दा बढी घाइते भएकाे जनाइएकाे छ । २ लाख ६० हजारभन्दा बढी नागरिक गाजा क्षेत्रबाट विस्थापित भएकाे र त्यसमध्ये एक लाख ७५ हजारभन्दा बढी यूएनकाे स्कुलहरुमा शरण लिएर बसेकाे जनाइएकाे छ । गाजा क्षेत्रमा मात्रै थाेरैमा ६ जना पत्रकारहरु मारिएकाे जनाइएकाे छ ।
तस्बिरहरु: अलजजिराबाट
प्रतिक्रिया