मकवानपुर । साल्ट ट्रेडिङ कर्पोरेसन लिमिटेड, मकवानपुरले चाडपर्वलाई लक्षित गर्दै कार्यालयबाट सुपथ मूल्यमा खाद्यान्न बिक्री सुरु गरेको छ।
नेपाल सरकारको निर्देशनअनुसार कार्यालयमा उपलब्ध नुन, चिनी, तेल र मैदा तोकिएको छुट मूल्यमा बिक्री गर्न थालिएको कार्यालय प्रमुख मधुसुधन अधिकारीले जानकारी दिए।
सर्वसाधारणलाई समान रूपमा छुटको सुविधा उपलब्ध गराउने उद्देश्यले प्रतिव्यक्ति ६ पोका नुन, ६ किलो चिनी, ५ लिटर तेल र ५ किलो मैदा बिक्री गर्ने व्यवस्था गरिएको अधिकारीले बताए।
उनका अनुसार बजारको प्रचलित मूल्यभन्दा चिनीमा प्रतिकिलो ५ रुपैयाँ, नुनमा २ रुपैयाँ, मैदामा ७ रुपैयाँ र तेलमा प्रतिलिटर ७ रुपैयाँ छुट दिइएको छ।
कार्यालयका अनुसार सुपथ मूल्यमा खाद्यान्न बिक्री गर्ने व्यवस्था आगामी तिहारसम्म जारी रहनेछ।
प्रतिक्रिया