काठमाडौं । नेकपा (एकीकत समाजवादी)का अध्यक्ष माधवकुमार नेपालले मुलुकमा दुई दलीय व्यवस्था ल्याउन नदिने बताएका छन् ।
बुधबार प्रतिनिधिसभामा बोल्दै उहाले सवै मिलेर बहुदलीय व्यवस्था ल्याएको भन्दै दुई दलीय व्यवस्था ल्याउन नदिने बताएका हुन् । उनले एमाले–कांग्रेसबीच मध्यरातमा भएको सहमतिप्रति पनि आशंका व्यक्त गरे । कुरा एउटा, काम अर्को गर्दा देश र जनताले दुःख पाएको भन्दै अव त्यस्तो अवस्थामा आउन दिन नहुने उनले बताए ।
त्यस्तै, नेपालले अब शान्ति प्रक्रियालाई निष्कर्षमा पुर्याउन ढिलाइ गर्न नहुने बताए । शान्ति प्रक्रियालाई पूर्णता दिन राजनीतिक दलहरुबीच भएको सहमतिले नयाँ इतिहास रच्ने उनले बताए ।
पीडितका समस्यालाई ध्यान दिँदै सिंगो शान्ति प्रक्रियालाई सम्पन्न गर्ने बाटोमा अघि बढ्नुपर्नेमा जोड दिँदै अध्यक्ष नेपालले यसलाई पूर्णता दिन सम्पूर्ण राजनीतिक दल एकताबद्ध हुनुपर्ने बताए ।
त्यस्तै, उनले सङ्क्रमणकालीन न्यायसँग जोडिएका कामलाई सम्पन्न गर्न सबैको सहयोग आवश्यक रहेकाले त्यसका लागि आफ्नो पार्टी पूर्णप्रतिबद्ध रहेको स्पष्ट पारे ।




















प्रतिक्रिया