कहिलेसम्म पर्छ झरी? थाहा पाउनुहाेस् शनिबार रातिसम्मकाे माैसम पूर्वानुमान

तत्काल माैसममा सुधार नआउने भएकाे छ। माैसम पूर्वानुमान महाशाखाका अनुसार मनसुन देशभर सक्रिय रहेकाले अझै केही दिन पानी पर्नेछ। 

बिहीबार बिहान देशभर बदली छ। प्रदेश १, गण्डकी, लुम्बिनी र सुदूरपश्चिम प्रदेशका केही स्थानमा पानी परिरहेकाे छ।

दिउँसो देशका अधिकांश स्थानमा वर्षाको सम्भावना छ। सुदूरपश्चिम, लुम्बिनी र प्रदेश १ का एक-दुई स्थानमा भारी वर्षाको सम्भावना छ ।

शुक्रबार  पनि देशका अधिकांश स्थानमा वर्षाको सम्भावना रहेको महाशाखाले जनाएकाे छ। सुदूरपश्चिम, बागमती र लुम्बिनी प्रदेशका एक वा दुई स्थानहमा भारी वर्षाको सम्भावना छ।

शनिबार पनि देशभर बदली रहनेछ। देशका धेरे स्थानमा पानी पर्ने  र प्रदेश १, गण्डकी, लुम्बिनी र सुदूरपश्चिम प्रदेशका  एक वा दुई स्थानमा भारी वर्षाको सम्भावना रहेकाे आँकलन गरिएकाे छ।

महाशाखाका अनुसार शनिबार राति प्रदेश १, गण्डकी, लुम्बिनी र सुदूरपश्चिम प्रदेशका  एक वा दुई स्थानमा भारी वर्षाको सम्भावना छ।