सिन्धुपाल्चोकको भोटेकोशीमा फेरि बढ्यो जल सतह, सतर्क रहन आग्रह

सिन्धुपाल्चोकको भोटेकोशीमा फेरि जल सतह बढेको छ । यसअघि मंगलबार आएको बाढीले पुर्याएको क्षतिको पूर्ण विवरण नआउँदै फेरि बाढी आउनसक्ने जोखिम बढेको हो ।

नेपाल बाढी सूचनाको ट्विटर ह्यान्डमार्फत जिल्लाको बाह्रबिसे स्थित भोटेकोशी नदीमा जलसतह बढेको जनाइएको हो । नदी तटीय र आसपास रहेकोले नदी तटिय क्षेत्रमा भोलि बिहानसम्म सतर्क रहन जल तथा मौसम विज्ञान विभागले जनाएको छ ।