सुर्खेत । कर्णाली राजमार्ग मंगलबार (भदौ १७) साँझदेखि अवरुद्ध भएको छ ।
कालीकोटको शुभकालिका गाउँपालिका–१, गगनेखोला भन्ने स्थानमा पहिरो गएपछि सडकको सो खण्ड अवरुद्ध भएको जिल्ला प्रहरी कार्यालय कालीकोटले जनाएको छ ।
पहिरो गएसँगै आज बेलुकी ६ बजेदेखि पूर्ण रूपमा सडक अवरुद्ध भएको कालीकोटका प्रहरी नायब उपरीक्षक टेकबहादुर रावतले जानकारी दिए ।
सडक अवरुद्ध भएसँगै यातायातका साधनहरू सडकै रोकिएको उनले जानकारी दिए । रासस
प्रतिक्रिया