काठमाडौं । ट्रस्ट माइक्रो इन्स्योरेन्सले आर्थिक वर्ष २०८२/८३ को प्रथम त्रैमास (साउन–असोज)को अपरिष्कृत वित्तीय विवरण सार्वजनिक गरेको छ।
वित्तीय विवरणअनुसार चालु आर्थिक वर्षको पहिलो ३ महिनामा कम्पनीले १ लाख ५३ हजार रुपैयाँ नाफा आर्जन गर्न सफल भएको छ। अघिल्लो आर्थिक वर्षको असोजसम्म कम्पनीले ७९ लाख ५३ हजार रुपैयाँ घाटा व्यहोरेको थियो।
समीक्षा अवधिसम्म कम्पनीको स्पेसल रिजर्भमा ५४ लाख ७५ हजार रुपैयाँ, महाविपत्ति कोषमा ५ लाख ४७ हजार रुपैयाँ, रिटेन्ड अर्निङमा ४८ लाख १८ हजार रुपैयाँ र अन्य इक्विटीमा २२ लाख ३ हजार रुपैयाँ रहेको छ। अघिल्लो वर्ष असार मसान्तसम्म स्पेसल रिजर्भमा ५३ लाख ९८ हजार रुपैयाँ, महाविपत्ति कोषमा ५ लाख ३९ रुपैयाँ, रिटेन्ड अर्निङमा ४७ लाख ५० हजार रुपैयाँ र अन्य इक्विटीमा २२ लाख १ हजार रुपैयाँ थियो।
चालु वर्षको असोजसम्म कम्पनीको बीमा कोषमा १५ करोड १४ लाख ६३ हजार रुपैयाँ रहेको छ। अघिल्लो वर्ष यही अवधिसम्म बीमा कोषमा १२ करोड ५६ लाख ५६ हजार रुपैयाँ थियो। अघिल्लो वर्षको तुलनामा समीक्षा अवधिमा कम्पनीको बीमा कोषको आकार २०.५४ प्रतिशतले बढेको छ।
समीक्षा अवधिसम्म कम्पनीले ६ करोड ७६ लाख रुपैयाँ कुल बीमाशुल्क आर्जन गरेको छ। अघिल्लो यही अवधिसम्म कम्पनीले ९४ करोड २६ लाख रुपैयाँ कुल बीमाशुल्क आर्जन गरेको थियो।
कम्पनीले चालु वर्षको असोजसम्म २ करोड ५१ लाख रुपैयाँ खुद बीमाशुल्क आर्जन गरेको छ। अघिल्लो आर्थिक वर्षको सोही अवधिसम्म कम्पनीले २९ लाख ८८ हजार रुपैयाँ खुद बीमाशुल्क आर्जन गरेको थियो।
सेयरपुँजी ५२ करोड ५० लाख रुपैयाँ रहेको कम्पनीको वार्षिकीकृत प्रतिसेयर आम्दानी (ईपीएस) बढेर ०.०३ रुपैयाँ कायम भएको छ।
प्रतिक्रिया