घुम्ती निशुल्क कपडा बैंक सुरु

निर्मल लामिछाने। 

रुपन्देही जिल्लाको सैनामैना नगरपालिका -८ मा  घुम्ती निशुल्क कपडा बैंक सुरु भएको छ । 

सैनामैना नगरपालिकाका प्रमुख चित्र बहादुर कार्की को प्रमुख आथित्यतामा सुरु भएको यस कपडा बैंकको उद्देश्य  भनेको असहाय, अपाङ्ग, पिडित तथा पिछडिएको बर्गलाई आवस्यकता हेरी कपडा बाड्ने रहेको छ । सैनामैना वडा स्तरिय बाल क्लवका अध्यक्ष शिबु भण्डारीका अनुसार जिल्लामा पीडितबस्तीहरु थुप्रै छन् र त्यसको लागि जाडो मौसम बढेसँगै यो अभियान सुरु गरेको बताए । 

उक्त कार्यक्रमको आयोजना सोही बाल क्लवले गरेको छ भने सह आयोजना जी बि अर्गानिक कम्पोस्ट मलको रहेको छ । कार्यक्रममा स्थानीय व्यक्तिहरुको पनि उपस्थिति रहेको थियो ।