Logo

नेपाल संवतलाई नेपालको नयाँ संवतको रुपमा थालनी गर्नुपर्ने :शहरी विकासमन्त्री कृष्णगोपाल



शहरी विकासमन्त्री कृष्णगोपाल श्रेष्ठले नेपाल संवतलाई  नेपालको नयाँ संवतको रुपमा थालनी गर्नुपर्ने बताउनुभएको छ ।नेपाल संवत ११४१ को अवसरमा मध्यपुर थिमीमा राष्ट्रिय विभुति शंखधर साख्वाःको प्रतिमामा माल्यापर्ण गर्दै उहाले नेपालको आफ्नै संवतको रुपमा नेपाल संवत प्रयोगमा लयाउनुपर्ने बताउनुभयो ।सबै जाति र भाषाभाषिको अपनत्व हुनेगरी नेपाल सम्बतलाई प्रचलनमा ल्याउनुपर्ने धारणा राख्दै उहाले सबैले नेपाल स्म्बतलाई नेपालीले कामकाजमा समेत प्रयोग गर्नुपर्ने बताउनुभयो ।

शंखधर साख्वालाई राष्ट्रिय विभुति घोषणा गराउनेदेखि टिकट प्रकासनसंगै नेपाल भाषा उत्थान नेपाल सम्बत मनाउन महत्वपूर्ण भूमिका खेल्ने पूर्वमन्त्री एवं मानव अधिकारवादी नेता स्वर्गिय पद्मरत्न तुलाधरको योगदानको चर्चा गर्दै मन्त्री श्रेष्ठले उहाँको सम्झनामा सरकारले रत्नपार्कमा शालिक स्थापना गर्ने अन्तिम तयारी रहेको जानकारी गराउनुभएको छ ।

नेपाल सम्बत र न्हुदया भिन्तुनाको हरेका कार्यक्रममा अंग्रपंतिमा खटिने नेता तुलाधरको योगदानलाई कसैलेपनि बिर्सन नसक्ने बताउनुभयो । उहाँले मंसिर ६ गते रत्नपार्कको नाम शंखधर साख्वा पार्क नामाकरण गरी पार्क परिसर्मा साख्वाःर तुलाधारको पुर्णकदको शालिक अनावरण गरिने जानकारी दिनुभयो ।

गरीब नेपालीको ऋणमोचन गर्ने शंखधर साख्वाः ले गरेको योगदानको कदर गर्दै उहाँले शुरुवात गर्नुभएको नेपाल सम्बतलाई सबैले प्रयोग गर्नुपर्ने उहाँको भनाई थियो । प्रतिमा माल्यापर्ण कार्यक्रममा बोल्दै पूर्वमन्त्री एवं नेपाली काग्रेसका सांसद भीमसेनदास प्रधानले कामकाजीको भाषाको रुपमा नेपाल संवतलाई प्रयोगमा ल्याउनुपर्ने बताउनु्भयो ।

उहाँले भन्नुभयो, ‘अहिले त नेपाल संवत नेवार समुदायले मात्र मानेको जस्जो भएको छ । सबैको अपनत्व हुनेगरी यस्लाई व्यापक बनाउनुपर्छ उहाँले भन्नुभयो । न्युदया भिन्तुना र नेपाल सम्बत मुल समिति गठन गर्दा नेवार बाहेकका जातिलाई पनि समेट्नुपर्ने बताउदै उहाँले भन्नुभयो,नेपाल संवत सबै नेपालीको संवत हो, अहिले सम्म किन नेवारको मात्र देखिएको छ ?’ त्यसैले यस्लार्इ सरकारले राष्ट्रिय पर्वको रुपमा मान्यता दिन नसकेको हुनसक्ने भन्दै आगामी वर्ष नेपाल सम्बत मनाउने विषयमा गम्भीर छलफल आवश्यक रहेको बताउनुभयो ।

फरक प्रशंगमा उहाँले अहिलेको सरकारले पुर्ण रुपमा ५ वर्ष चलाउनुपपर्ने धारणा राख्दै भन्नुभयो, ‘नेकपाको दुई तिहाइ सरकारले पाच वर्ष सरकार चलाउनैपर्छ । २००७ साल देखि कुनैपनि दलले ५ वर्षसम्म शासन चलाउन नसकेको बताउँदै यो सरकारले अब ५ वर्ष पुरै शासन चलाउनुपर्छ भन्नुभयो ।’

उहाँले दुई तिहाइको सरकारले नेपाल भाषालाई कामकाजीको भाषाको रुपमा प्रयोग गर्ने व्यवस्था गर्नुपर्ने धारणा राख्नुभयो । पुर्वमन्त्री एवं सांसद महेश बस्नेतले आजको दिनलाई सरकारले राष्ट्रिय दिवसको रुपमा मनाउनुपर्ने धारणा राख्नुभयो ।

उहाँले भक्तपुरमा तयार हुन लागेको स्मार्ट सिटीको नाम संखधर साख्वाः राख्नुपर्ने, शंखधर साख्वाःको योगदानलाई कदरु गर्दै उहाँले सुरु गर्नुभएको नेपाल सम्बतलाई सरकारी भाषाको रुपमा प्रयोग गर्नुपर्ने बताउनुभयो ।

कार्यक्रममा मध्यपुर थिमी नगरपालिकाका मेयर मदनसुन्दर श्रेष्ठले राष्ट्रिय विभुति शंखधर साख्वाको नाममा प्रतिमा सहित पार्क , सोध र अनुसन्धान गर्न पुस्तकालय र सूचना केन्द्र स्थापना गरिएको बताउनुभयो ।

उँहाले भन्नुभयो,’नेपालीलाई ऋणमुक्त गर्ने किसान साख्वाको योगदानलाई सरकारले पुर्ण रुपमा कदर गर्न सकेको छैन, आगामी दिनमा नेपाल सम्बत शुरु भएको दिनलाई राष्ट्रिय पर्वको रुपमा मानेर नेपालभर मनाउनुपर्छ । ‘

कार्यक्रममा प्रतिष्ठानका अध्यक्ष चन्दनकृष्ण श्रेष्ठ, उपाध्यक्ष ज्ञानराम श्रेष्ठ लगायतले नेपाल सम्बतका संस्थापक साख्वाको योगदानको चर्चा गर्नुभएको थियो । मन्त्री श्रेष्ठले निर्माणाधिन शंखधर साख्वाः पार्कको अवलोकन समेत गर्नुभएको थियो ।

कार्यक्रममा राष्ट्रपति विद्यादेवी भण्डारी र प्रधानमन्त्री केपी शर्मा ओलीले नेपाल सम्बत ११४१ र न्युदया भिन्तुनाको शुभकामना सन्देश पठाउँदै राष्ट्रिय विभुति शाख्वा र उहाँले स्थापना गर्नुभएको नेपाल संवतले नेपालीको पहिचान बनाउन सफल भएको उल्लेख गरिएएको थियो ।नेपाल संवत ११४१को अवसरमा काठमाडौं र ललितपुरमा पनि विविध कार्यक्रम आयोजना गरिएको थियो ।

प्रकाशित : १ मंसिर २०७७, सोमबार