जापानमा अहिलेसम्मकै धेरै एकैदिन ३ हजारभन्दा बढी संक्रमित थपिए

जापानमा पछिल्लो समयमा कोरोना भाइरसको समस्या बढ्दै गएको देखिएको छ ।

जापानको स्वास्थ्य मन्त्रालयका अनुसार शनिबार एकैदिन अहिलेसम्मकै धेरै तीन हजार जना संक्रमित थपिएका छन्  । जापानको राजधानी टोकियोमा शनिबार अहिलेसम्मकै सबैभन्दा धेरै संक्रमित भेटिएको जानकारी गराइएको हो । सबैभन्दा बढी टोकियो र त्यसपछि अरु केही जिल्लामा यो संख्याका संक्रमित भेटिएका बताइएको छ । यो सँगै जापानमा अहिलेसम्म संक्रमण हुने व्यक्तिको संख्या ४६ हजारभन्दा बढी पुगेको छ ।  शनिबार मात्रै टोकियोमा ६२१ जना संक्रमित भेटिएका छन् ।

पछिल्लो समयमा संक्रमितहरु बढ्दै गएपछि राजधानी टोकियोका होटल रेष्टुरेन्ट तथा बढी भिडभाड हुने स्थानहरुमा मानिसहरुको सार्वजनिक आवतजावत रोकिएको छ । त्यहाँको सरकारले आन्तरिक यातायात सेवा भने नरोक्ने जनाएको छ ।